Ойылудың пайда болу себептері
Ойылу – бұл ауру себебімен төсекке таңылған адамдарға тән ауру. Сүйектер мен қатты бет арасында жұмсақ тіндердің ұзақ басылып қалу салдарынан қан- және лимфа ағыны бұзылады, тіндердің біртіндеп жансыздана бастайды.
Ойылудың пайда болу қаупінің факторлары:
- дұрыс тамақтанбау және ішетін сұйықтықтың жеткіліксіз мөлшері. Тамақпен біз ағзадағы алмасу процестерінің қалыпты дұрыс жұмыс істеуіне қажетті барлық элементтерді аламыз, ал су өз кезегінде терінің гидробалансына жауап береді. Ақуызбен алмасу бұзылған жағдайда немесе тері жеткіліксіз ылғалданбаған жағдайда ойылудың пайда болу қаупі бар;
- науқастың қалпын сирек ауыстыру. Пациенттің позасын тұрақсыз ауыстырған жағдайда (сағатына 1 сағаттан аз) ойылудың пайда болу қаупі артады, себебі сүйектің шығыңқы жерлерінің бетпен ұзақ жанасуы зақымданудың пайда болуына алып келеді;
- ылғал орта. Ойылу көбінесе ылғал теріде, науқас шектен тыс тер бөлінуден, зәрді немесе нәжісті ұстай алмаудан зартап шексе туындайды. Осы биологиялық сұйықтықтардың құрамындағы патогендік микроорганизмдер жарада екінші рет қабыну процесінің дамуына алып келеді;
- пациенттің дистрофиясы немесе шектен тыс салмағы. Жұмсақ тіндердің физикалық қатты қысылып қалуға алып келеді, ал пациенттің семіздігі өз кезегінде тіндегі қан айналымын одан сайын қиындата отырып, бетке түсетін қысым массасын көбейтеді;
- қант диабеті;
- терінің ауыруға бұзылған сезімталдығы, сал ауруымен және сіңірт тартылумен қатар жүретін неврологиялық аурулар. Тері сезімталдығы бұзылуына байланысты пациент денесінде ойылудың алғашқы симптомдарын сезбейді, бұл ауруды алғаш анықтау процесін қиындатады. Ал сіңір тартылу эпидермисті зақымдайтын қосымша үйкеліске алып келеді.
Заманауи медицина ойылудың бірнеше түрлерін анықтайды:
- Ойылудың 1-кезеңі. Сүйектің шығыңқы жеріндегі тері тітіркенген, тамыр эритемасы, жалпы жергілікті қызару бар. Пациент сол жердегі өте жоғары сезімталдыққа немесе ұйып қалуға шағымданады. Кейбір жағдайларда дене температурасының шала қызулы көрсеткіштерге дейін көтерілуі байқалады;
- Ойылудың 2-кезеңі. Шағын жара бар, эпидермис және нағыз тері зақымдалған. Ойылудың оқшауланған жерінде қызғылттау немесе сарылау түсті іріңді массаға толған көпіршік пайда болады;
- Ойылудың 3-кезеңі. Некроз тері астындағы май өзегін қамти отырып, нағыз терінің бүкіл тереңдігі бойымен таралады. Ойылған жердің өзі түбінде сары жағал немесе сұр түсті жансызданған тін бар ойық тәрізді жара түрінде болады;
- Ойылудың 4-кезеңі. Ойылу сіңірге, буынға және сүйектерге дейін барады. Ойылған жердің түбіндегі шірік массалардың түсі қара болады.
16 ТАМЫЗ / 2021